İsraildəki ABŞ səfirliyi işçilərini və ailələrini ölkədən çıxarmağa başladı! - KRİTİK QƏRAR
ABŞ-ın İsraildəki səfirliyi bölgədə təhlükəsizlik vəziyyətinin gərginləşməsi fonunda mühüm qərar açıqlayıb.
Səfirliyin yaydığı bəyanatda bildirilib ki, 27 fevral 2026-cı il tarixində ABŞ Dövlət Departamenti təhlükəsizlik riskləri ilə əlaqədar olaraq fövqəladə hallar istisna olmaqla ABŞ hökuməti əməkdaşlarının və onların ailə üzvlərinin ABŞ-ın İsraildəki Səfirliyindən ayrılmasına icazə verib.
Açıqlamada qeyd olunub ki, vəziyyətin inkişafından asılı olaraq və əvvəlcədən xəbərdarlıq edilmədən səfirlik əməkdaşlarının və ailə üzvlərinin İsrailin bəzi bölgələrinə, o cümlədən Qüdsün Köhnə Şəhərinə və işğal altındakı Qərb Sahilinə səfərləri məhdudlaşdırıla və ya tamamilə qadağan edilə bilər.
Eyni zamanda vurğulanıb ki, kommersiya uçuşlarının davam etdiyi mövcud şəraitdə əməkdaşlar və onların ailə üzvləri ölkəni tərk etmə imkanını nəzərdən keçirməlidirlər.
Qərar bölgədə təhlükəsizlik risklərinin artdığı bir vaxtda qəbul edilib və vəziyyətin dinamikasına uyğun olaraq əlavə məhdudiyyətlərin tətbiqi istisna edilmir.
