Azərbaycanda ödənişli xidmətlər bazarı 5,1 milyard manatı ötüb
Bu ilin yanvar-aprel aylarında Azərbaycanda əhaliyə göstərilən ödənişli xidmətlərin dəyəri 5 milyard 159,9 milyon manat olub.
Dövlət Statistika Komitəsinin məlumatına görə, bu, 2025-ci ilin müvafiq dövrü ilə müqayisədə real ifadədə 8,4 % çoxdur.
Bildirilib ki, hüquqi şəxslər tərəfindən əhaliyə 3 milyard 951,6 milyon manatlıq xidmət göstərilib. Bu da xidmətlərin ümumi dəyərinin 76,6 %-ni təşkil edib.
4 ayda hər bir ölkə sakini orta hesabla 502,6 manatlıq və ya ötən ilin eyni dövrü ilə müqayisədə nominal ifadədə 62,5 manat çox müxtəlif ödənişli xidmətlərdən istifadə edib.
