Əsas məzmuna keç
Bakı +8°, buludlu
--:--:--
Tez-tez axtarılanlarBölmələr
Aqrar

Azərbaycan tütün alışına görə Hindistanın "TOP-5" siyahısına düşdü

Azərbaycan tütün alışına görə Hindistanın "TOP-5" siyahısına düşdü

Azərbaycan Hindistandan tütün və onun sənaye əvəzedicilərinin ən iri idxalçılarının ilk beşliyinə daxil olub. 2023-cü ilin birinci rübünün yekunları üzrə açıqlanan məlumata görə, bu barədə Hindistanın Ticarət və Sənaye Nazirliyi məlumat yayıb. 

ENA.az xarici mediaya istinadən xəbər verir ki, 2023-cü ilin yanvar-mart aylarında Hindistan ümumilikdə 232 milyon dollar dəyərində tütün və onun sənaye əvəzedicilərini ixrac edib.

Alıcıların ilk beşliyində BƏƏ ($45,2 milyon), Belçika ($34,38 milyon), Nigeriya ($14,96 milyon), Azərbaycan ($9,53 milyon) və Sinqapur ($9,32 milyon) yer alıb.

Cari ilin yanvar-mart aylarında Hinditandan Azərbaycana tütün və onun sənaye əvəzediciləri ixracı ötən ilin analoji dövrü ilə müqayisədə dəyər ifadəsində 9,1 dəfə artıb.

Hindistanın Ticarət və Sənaye Nazirliyindən verilən məlumata görə, 2023-cü ilin birinci rübündə Azərbaycana ixracın ümumi həcmi ötən ilin müvafiq dövrü ilə müqayisədə təxminən 2,8 dəfə artaraq 25,41 milyon dollar təşkil edib.

ENA.az TelegramdaHər gün yeniliklərdən xəbərdar olmaq üçün bizi sosial şəbəkələrdə izləyin!Bizi izlə