Əsas məzmuna keç
Bakı +11°, buludlu
--:--:--
Tez-tez axtarılanlarBölmələr
Hesabatlar

Neft ucuz, gəlir “artıq”: büdcədəki artımın mənbəyi ARDNF-dir. 2 İLİN MÜQAYİSƏSİ

Neft ucuz, gəlir “artıq”: büdcədəki artımın mənbəyi ARDNF-dir. 2 İLİN MÜQAYİSƏSİ

2025-ci ildə Azərbaycanın dövlət büdcəsinin neft-qaz sektoru üzrə daxilolmaları 18 828,4 milyon manat təşkil edib ki, bu da 2024-cü illə müqayisədə 1 milyard 266,9 milyon manat və yaxud 7,2 % çoxdur.  Bu artım, vergi daxilolmalarının ümumi artım tempindən daha çox Dövlət Neft Fondundan transfertlərinin artması ilə bağlıdır ki, bu da büdcənin neft gəlirlərinin daha çox SOFAZ-dan asılı olduğunu göstərir. Başqa sözlə, büdcə profisitinin qaynağə məhz Dövlət Neft Fondudur. 

ENA.az olaraq, neft-qaz sektoru üzrə 2024 və 2025-ci illərin müqayisəsini təqdim edirik: 

 

2024-cü il üzrə neft-qaz gəlirləri

 

2025-ci il üzrə neft-qaz gəlirləri

 

Ümumi daxilolmalar: 17,97 milyard manat
 

Strukturu:

26,6% və ya ~4,78 milyard manat vergi orqanlarının xətti ilə

 

71,1% və ya ~12,78 milyard manat — Dövlət Neft Fondunun transfertləri

 

Vergi orqanları xətti ilə daxil olan gəlirlərin strukturu 2024-də:

Şahdəniz üzrə mənfəət vergisi: ~2,341 milyard manat (49%).

SOCAR ödədiyi vergilər: ~1,774 milyard manat (37,1%).

“Azəri-Çıraq-Günəşli” (ACG) üzrə mənfəət vergisi: ~665 milyon manat (13,9%).

 

Ümumi daxilolmalar: 18,83 milyard manat

 

Strukturu:

23,1% və ya 4,3 milyard vergi orqanlarının xətti ilə.

 

76,9% və ya ~14,481 milyon manat Dövlət Neft Fondundan transfertlər.

 

Vergi orqanları xətti ilə daxil olan gəlirlərin strukturu 2025-də:

Şahdəniz üzrə mənfəət vergisi: ~2,260.3 milyon manat (52%).

SOCAR-ın ödədiyi vergilər və ödənişlər: ~1,795.4 milyon manat (41,3%).

ACG üzrə mənfəət vergisi: ~291.7 milyon manat (6,7%).

 

Ümumi nəticə belədir ki, 2025-də neft-qaz sektorundan daxilolmalar artaraq ~18,83 mlrd manat təşkil edib və 2024-ə nisbətən +7,2% artım görülüb.
SOFAZ transfertlərinin payı yüksəlib, bu da büdcənin neft-qaz gəlirlərində fonddan asılılığın artdığını göstərir.
Vergi daxilolmalarında Şahdəniz layihəsinin payı yüksələrək dominant rol oynayıb, ACG layihəsinin payı isə azalıb.

ENA.az TelegramdaHər gün yeniliklərdən xəbərdar olmaq üçün bizi sosial şəbəkələrdə izləyin!Bizi izlə