Əsas məzmuna keç
Bakı +13°, buludlu
--:--:--
Tez-tez axtarılanlarBölmələr
İnşaat və əmlak

"Diadem" tikinti şirkətinin yığılmış zərəri 10 milyon manata çatıb

"Diadem" tikinti şirkətinin yığılmış zərəri 10 milyon manata çatıb

Azərbaycanda tikinti fəaliyyəti ilə məşğul olan "Diadem" ASC 2025-ci ili 6,47 milyon manat xalis zərərlə başa vurub.

Səhmdar cəmiyyətin maliyyə hesabatına görə, bu, 2024-cü illə müqayisədə 17,55 % çoxdur. Son nəticədə şirkətin yığılmış zərəri 2,85 dəfə artaraq 9,979 milyon manata çatıb.

Ötən il "Diadem"in vergiyəqədərki zərəri 8,087 milyon manat (əvvəlki ilə nisbətən 17,55 % çox), mənfəət vergisi ödəmələri üzrə qənaəti isə 1,617 milyon manat (17,55 % çox) təşkil edib.

Bu il yanvarın 1-nə "Diadem"in aktivləri 115,944 milyon manat olub ki, bu da illik müqayisədə 1,35 % çoxdur. Hesabat dövründə şirkətin öhdəlikləri 7 % artaraq 122,822 milyon manata, balans kapitalının çatışmazlığı isə 16,8 dəfə artaraq 6,878 milyon manata çatıb.

Xatırladaq ki, "Diadem" 2017-ci ildə yaradılıb. Onun nizamnamə kapitalı 3,101 milyon manatdır. Şirkətin səhmdarları 75 % payla Elbrus Nəbiyev və 25 % payla Kəmalə Dostumaliyevadır.

ENA.az TelegramdaHər gün yeniliklərdən xəbərdar olmaq üçün bizi sosial şəbəkələrdə izləyin!Bizi izlə