Neft bir qədər ucuzlaşdı (21.08.2026)
Londonun ICE birjasında “Brent” markalı xam neftin fyuçerslərinin qiyməti 93.14 dollar təşkil edib. “Brent” markalı neftin qiyməti 0.68% azalıb.
Eyni zamanda, WTI markalı neftin fyuçersləri də 0.79% ucuzlaşaraq bir barel üçün 86.14 dollar olub.
Ümumilikdə neft həftəni bahalaşma ilə bitirir. Gərginliyin artması, uzun sürən müharibənin Səudiyyə Ərəbistanı, İraq, BƏƏ və Küveyt kimi əsas istehsalçıların tədarükünü məhdudlaşdıra biləcəyi ilə bağlı narahatlıqlardan irəli gəlir. Əvvəlki atəşkəs bu həftə başa çatdı və tərəflər danışıqları bərpa etməyiblər.
Trampın İranı dəstəkləyən ölkələrə qarşı "misli görünməmiş iqtisadi müharibə və təcrid" təhdidi də gərginliyi artırıb. BƏƏ-nin İranla bütün maliyyə və iqtisadi əməliyyatları dayandırması da diqqəti cəlb edib.
Hörmüz boğazında tanker daşınması müharibə səbəbindən kəskin şəkildə azalıb və çərşənbə günü oradan yalnız doqquz gəmi keçib. Müharibədən əvvəl dünya neft istehlakının təxminən beşdə biri bu marşrutla daşınırdı.
