Bu qurumun direktoru 6 min manat maaş alır - Tam siyahı

Dövlət Su Ehtiyatları Agentliyinin tabeliyində Su və Meliorasiya üzrə Layihələndirmə və Elmi Tədqiqat İnstitutunun strukturunun, işçilərinin say həddi, əməkhaqlarının (vəzifə maaşları, vəzifə maaşlarına əlavələr, mükafatlar və digər ödənişlər) məbləğləri təsdiqlənib.
ENA.az xəbər verir ki, bununla bağlı Baş nazir Əli Əsədov Qərar imzalayıb.
Qərara əsasən, İnstitutun strukturuna onun aparatı (şöbələr və sektorlar), Təlimlərin Təşkili və İnnovasiyalar Mərkəzi, eləcə də Laboratoriya və Təcrübə Mərkəzi daxildir.
İnstitutun işçilərinin say həddi 435 ştat vahidi olmaqla müəyyənləşib.












